ငါးနှစ်လောက်နေတော့
အဲ့ဒီ ဖိတ်စာကလေးကို ဖျတ်ခနဲ ပြန်တွေ့တယ် ၊၊
-မင်းသမီးဖူးငုံ နှင့် ဒေါက်တာ ရဲကျော်ကျော်ထူး-
ငြိမ်းချမ်းရေး ချိုးဖြူငှက်ကလေး ကျနော့်ပုခုံးပေါ်က
ဖျတ်ခနဲ ထ ပျံအသွားမှာ ကျနော် အဲ့ဒီဒေါက်တာကို
သေနတ်နဲ့ တစ်ချက်ချင်း တစ်ချက်ပြီး ပစ်လိုက်မိပေမယ့်
ကျည်ဆန်တွေဟာ မမဖူးငုံ ဖြစ်သွားပြီး
အဲ့ဒီဒေါက်တာကို အားကိုးတကြီး ဖက်ဖက်ထားတာကိုပဲ မြင်ရတော့
ကျနော်ရှက်လန့်ပြီး မိုးပေါ်သေနတ် နဲ့ ထောင်ပစ်အမိမှာ
ငါးနှစ်လုံးရွာနေတဲ့ မိုးတွေ သေသွားတယ် ၊၊
မမဖူးငုံ ရက်စက်တယ်
လို့
သူတို့ မသေခင်ကလေးမှာ ရအောင်အော်ပြောသွားကြတယ်၊၊
လျှပ်စီးဟာ ဆောက်တည်ရာမဲ့ ၊ အော်ဟစ် ပြေးလွှား ၊ နေတာပေါ့မမဖူးငုံ ၊၊
မမဖူးငုံသာရှိနေရင် ကျနော့်မျက်လုံးနဲ့ဝေးရာဆီ မျက်ရည်တွေထွက်သွားကြတာပါ
လို့
ဆင်ခြေပေးတဲ့အမူအရာ ကို သွေးရူးသွေးတန်းနဲ့ ကျနော်လုပ်မိနေမှာပါ
လို့လည်း ၊၊ ကျနော် မိုးရေ အသေ တွေ ထဲ မှာ ၊၊ မမဖူးငုံ၊၊
ရှုံးနိမ့်မှုအပေါ် ဘယ်အရောင်နဲ့ ပြသရမလဲ မမဖူးငုံ ၊၊
အဲ့ဒီအတိုင်း
သီချင်းတစ်ပုဒ် ၊ နှစ်ယောက်ထိုင်ခုံ ၊ ဖိတ်စာပေါ်က စာသား
ခိုးခိုးခစ်ခစ်ရယ်သံ ၊ နှုတ်ခမ်းနီခဲတံ ၊ ရေခဲမုန့်နှစ်ဇွန်း၊ ကင်မရာကထွက်လာတဲ့မီးရောင်
အပေါစားဂျာနယ် ၊ ငြိမ်းချမ်းရေးကို အထောက်အပံ့ပေးချင်တဲ့ကျည်ဆန်
ဒါမှမဟုတ် နှုတ်ခမ်းချင်းယှဉ်ခုတ်လိုက်တဲ့ မင်္ဂလာပွဲဇာတ်သိမ်းပိုင်း
အဲ့ဒီအတိုင်း နောက်ထပ် သီချင်းတစ်ပုဒ် ၊၊ တို့ အပေါ် ကျနော်ထ ထ အလေးပြုခဲ့ရတဲ့
ဖြတ်လျှောက်အလံဖြူတစ်လက် ပါ မမဖူးငုံ ၊၊
မမဖူးငုံ ဘာလို့ လူစားမထိုးပဲ အဲ့ဒီမင်္ဂလာဆောင်ကို ကျင်းပခဲ့တာလဲ၊၊
ဘာလို့ ဒဏ်ရာထက်အမာရွတ်ကလေးက ပိုနာနေရတာလဲ မမဖူးငုံ
လို့
ငါးနှစ်လောက်နေတော့
အဲ့ဒီစာသားလေးကို ကျနော်ဖျတ်ခနဲ ထပ်ပြောမိတယ် ၊၊
ကျနော် ကိုမာ တွေထဲက ဘယ်လိုအိပ်မက်ဆိုးမျိုးနဲ့မှ
လန့်နိုးလို့ မရနိုင်ဘူး ဖြစ်ဖြစ်နေတယ် မမဖူးငုံ၊၊
မမဖူးငုံ သာရှိနေရင် မင်းဘာလို့ ဒဏ်ရာတွေနဲ့လျှောက်အရောဝင်နေရတာလဲ
လို့
မမဖူးငုံ ခဏခဏသရုပ်ဆောင်ပြီးပြောမှာပဲ
လို့လည်း ၊၊ ကျနော် အစိမ်းရှင် (ခေါ်) ကိုမာ ထဲ မှာ ၊၊ မမဖူးငုံ၊၊
အဲ့ဒီအတိုင်း
မျက်ရည်တို့ဟာ ကျနော့်နားထဲစီးဝင်ကျလာပြီး
သီချင်းတစ်ပုဒ်ကို ဆို နေ တယ် လို့ ကျနော်ခံစားရတဲ့အခါ
ကျနော့်ကို ခွင့်လွှတ်ပါ ၊၊ မမဖူးငုံ
ဘာလို့ အရှိအတိုင်းဟာ အမာရွတ်ကလေးလောက် မလှပ ရတာလဲ လို့
ကျနော်မေးမိမြန်းမိတဲ့အခါတွေမှာပေါ့ ၊၊
ကျနော်ပြန်လာတဲ့အခါ
မမဖူးငုံရဲ့ရင်သွေးကလေးနဲ့မျက်လုံးချင်းဆုံမိမယ့်အခါ
ကျနော်ကလေးတစ်ယောက်ကို ထပ်မံရှုံးနိမ့်ရင်မဆိုင်ရဲတဲ့အခါ
အဲ့ဒီဒေါက်တာဟာ ခင်ဗျား ကိုမာ သက်သာလားလို့ မေးတဲ့အခါ
မင်းပိန်သွားတယ်နော် လို့ပဲ ပြောနိုင်မယ့် မမဖူးငုံစကားကိုကြားတဲ့အခါ
ကျနော့်အမာရွတ်အပေါ် မမဖူးငုံ လက်မှတ်လာထိုးပေးမယ့်အခါ
မီးညှိကာစ ဆေးပေါ့လိပ်ကလေးကို ခြေထောက်နဲ့ဖိနင်းပြီးကာမှကျနော် နှမျောတသ သွားတဲ့အခါ
မမဖူးငုံတို့ မိသားစုကို ကျောခိုင်းနှုတ်ဆက်ခဲ့ဖို့ အင်အားဘယ်ကရမယ်မှန်းမသိတဲ့အခါ
မိုးရေတွေအသက်ပြန်ရှင်လာပြီး ကျနော်မိုးသည်းထဲရောက်သွားတဲ့အခါ
အဲ့ဒီအတိုင်း ဇာတ်ညွှန်းဟာ ကျနော့်အရိုးပြာနဲ့ ရေးသားမယ့်အခါ
ကျနော် ပြန်မလာတဲ့ အခါ မှာပါ
ကျနော့်ကို သရုပ်မဆောင်တဲ့ အမူအရာနဲ့ ခွင့်လွှတ်ပါ မမဖူးငုံ၊၊
ဒါမှမဟုတ်
ကျနော် ကိုမာတွေခေါ်တဲ့နောက်ကို အပြီးလိုက်သွားတဲ့အခါဆိုရင်ရော
ကျနော့်ကို ခွင့်လွှတ်မယ် မဟုတ်လား မမဖူးငုံ ၊၊
အဲ့ဒီအဖြစ်အပျက်ကလေးကို သိမ်းထားပါ
ဒါပေမယ့်
သိမ်းထားတယ်ဆိုတာကိုတော့ မေ့ပစ်လိုက်ရမယ်နော် လို့
မမ ကို ကတိပေးပါ၊၊
ငါးနှစ်လောက်နေတော့
ကျွန်မ မျက်လုံးထဲက စီးကျလာတယ်
ရှင့်ရဲ့အရိုးပြာတွေ ၊၊ ၊၊
ဇာတိ
၂ဝ၁၄
No comments:
Post a Comment